बाळाचे वजन वाढवण्यासाठी काय करावे?

कमजोर व बारीक मुलांचे वजन वाढवायचे असल्यास घरच्या घरी बनवा ‘या’ हेल्दी रेसिपी!
बाळाचं किंवा मुलांचे वजन कमी असेल तर आई कायम चिंतीत असते. कितीही चांगला आहार दिला तरीही बाळाचे वजन वाढत नसेल तर आईची चिंती वाढणं सहाजिकच आहे. पण आज आम्ही तुम्हाला अशी एक रेसिपी सांगणार आहोत जी खाऊ घातल्यास बाळाचे वजन १०० टक्के वाढेल.
आपलं मुल सुदृढ असावं असे प्रत्येक आई वडिलांना वाटत असते. पण कधी कधी काही मुले ही अत्यंत अशक्त असतात. त्यांचा शारीरिक विकास म्हणावा तितक्या वेगाने आणि चांगल्या प्रकारे होत नाही. असे बाळ हे सतत पडून असते. जास्त खेळत नाही. त्याच्या पायात सुद्धा जीव नसतो. चालताना बाळाला त्रास होतो. अशावेळी आपल्या अशक्त मुलाबद्दल पालकांना चिंता वाटणे साहजिक आहे. या स्थितीमध्ये मुलाला नेमके काय दिल्याने त्याचे वजन वाढेल आणि ते सुदृढ होईल हा प्रश्न सतत पालकांना सतावत असतो. तुम्ही सुद्धा या स्थितीतून जात असाल तर आज या लेखातून आम्ही तुम्हाला सांगणार आहोत अशी एक स्पेशल रेसिपी जी तुम्ही बाळाला खाऊ घातलीत तर नक्कीच बाळाला त्याचा फायदा होईल आणि बाळ अशक्त राहणार नाही.
कॅरेट राईस

हो मंडळी ती स्पेशल रेसिपी आहे कॅरेट राईस अर्थात गाजराचा भात! गाजर हा आपल्या खाद्यसंस्कृतीमधील सर्वात उपयुक्त पदार्थांपैकी एक मानलं जातं. याच्या सेवनाने शरीराला खूप फायदा मिळतो. गाजरामध्ये ती पोषण तत्वे असतात जी या काळात बाळाच्या शरीरासाठी अत्यंत गरजेची असतात. त्यामुळे तुम्ही बाळाला कॅरेट राईस आवर्जून बनवून खायला घातला पाहिजे. आता पुढे आपण कॅरेट राईस बनवण्यासाठी आवश्यक साहित्य आणि त्यांची पूर्ण कृती जाणून घेऊया, जेणेकरून तुम्ही घरच्या घरी कॅरेट राईस बनवून बाळाला भरवू शकता.
साहित्य

सर्वात प्रथम आपण जाणून घेऊया की कॅरेट राईस बनवण्यासाठी नेमक्या कोणत्या पदार्थांची गरज असते. कॅरेट राईस बनवण्यासाठी अगदी साध्या सोप्प्या पदार्थांची गरज असते, जे की तुम्हाला घराच्या घरी सुद्धा सहज उपलब्ध होतील. मुठभर तांदूळ, मध्यम आकाराच्या गाजराचा अर्धा तुकडा, एक चमचा मीठ, एक चमचा साजूक तूप आणि अडीच भांडे पाणी हे साहित्य सर्वात प्रथम जमा करा. हे साहित्य जमा झाले की तुम्ही कॅरेट राईस बनवायला सुरुवात करू शकता. तुम्ही जे साहित्य वापरात आहात ते चांगल्या गुणवत्तेचे आहे याची खात्री करून घ्या, अन्यथा बाळासाठी ते धोकादायक ठरू शकते.
कृती

आता आपण कॅरेट राईस बनवण्याची कृती जाणून घेऊया. सर्वात प्रथम तांदूळ धुवून काही वेळासाठी पाण्यातच भिजत ठेवा. एक कुकर घ्या आणि त्या कुकर मध्ये तांदूळ, बारीक चिरलेले गाजर आणि अडीच भांडे पाणी ओता. तुम्ही तुमच्या गरजेनुसारही यात पाणी टाकू शकता. आता यात मीठ आणि साजूक तूप घाला. दोन ते तीन शिट्या होईपर्यंत हे मिश्रण कुकर मध्ये शिजू द्या. वाफ पूर्ण उडून जाऊ द्या. थोडा वेळ थंड होऊ दिल्यावर मिश्रण मिक्सर मध्ये वाटून घ्या. बाळ सहा महिन्याचे असल्यास तुम्ही द्रव रूपातील कॅरेट राईस त्याला भरवू शकता. बाळ जर ठोस पदार्थ खात असेल तर त्याला थेट भात सुद्धा तुम्ही देऊ शकता.
दलिया खिचडी

या व्यतिरिक्त तुम्ही बाळाला अजून काही पदार्थ खाऊ घालू शकता, जे बाळाच्या पोषणात सहाय्य करतील. त्यापैकी एक पदार्थ म्हणजे दलियाची खिचडी होय. यात मोठ्या प्रमाणात फायबर असते आणि यामुळे पोटाच्या समस्यांपासून बाळाची सुटका होते. तीन कप दलिया, एक कप मुग डाळ, एक चमचा जिरे, चिमुटभर हळद आणि हिंग पावडर, एक कांदा, आले व लसणाची पेस्ट व हवं असल्यास बटाटा वा गाजर याचा वापर करावा. दलिया धुवून अर्धा तास पाण्यात भिजत ठेवा. आता प्रेशर कुकर मध्य तूप टाका. मग हिंग आणि जीरे भाजू द्या. त्यानंतर यामध्ये कांदा आणि आलं-लसूण पेस्ट सोबत भाज्या सुद्धा टाका. एक मिनिटे फ्राय करा आणि मग मुग व दलिया टाका. 4 कप पाणी टाकून 4 शिट्या लावा आणि बाळाला नंतर खाऊ घाला.
साबुदाणा खाऊ घाला

तुम्ही बाळाला साबुदाणाचे पदार्थ सुद्धा खाऊ घालू शकता. साबुदाणा सेवनाचे बाळाला अनेक फायदे होतात. साबुदाणा हा प्रोटीनचा चांगला स्त्रोत मनाला जातो. जे शाकाहारी आहेत ते साबुदाण्यामधून आपली प्रोटीनची गरज भागवू शकतात. मुलांच्या विकासासाठी सद्धा प्रोटीन गरजेचे असते आणि साबुदाणा खीरच्या माध्यमातून तुम्ही ते बाळाला देऊ शकता. साबुदाण्यात कॅल्शियम सुद्धा असते, ज्यामुळे हाडे मजबूत होतात. मुलांची हाडे ही कमकुवत असतात. ती मजबूत होण्यासाठी बाळाला आवर्जून साबुदाणा खाऊ घालावा.